दमकमा १०७ वर्षीय घिमिरे नगर पिता घोषित

समाज

गृहपृष्ठ
समाज

दमकमा १०७ वर्षीय घिमिरे नगर पिता घोषित

रातो अक्षर बिहीबार, पुस १२, २०८०

झापा। झापाको दमक नगरपालिकाले १०७ वर्षीय धनञ्जय घिमिरेलाई नगर पिता घोषणा गरेको छ । तेस्रो राष्ट्रिय ज्येष्ठ नागरिकको दिवसको सन्दर्भमा नगरपालिकाले नगरकै सबैभन्दा ज्येष्ठ नागरिक वडा नं। १ का स्थायीबासी घिमिरेलाई नगर पिता घोषणा गरेको हो ।

नगरपालिकाले एक सय वर्ष नाघेका नगर क्षेत्रका ६ जना ज्येष्ठ नागरिकहरुलाई सम्मान समेत गरेको छ । सम्मानित हुनेमा दमक–८ का एक सय छ वर्षीय कुबेरबहादुर श्रेष्ठ, दमक–३ की एक सय छ वर्षीया नरमाया सोराली, दमक–१० की एक सय पाँच वर्षीया नर्वदा खनाल, दमक–७ की एक सय पाँच वर्षीया मीनादेवी कार्की र दमक–१ की १०१ वर्षीया चन्द्रमाया लावती रहेका छन्।

नगर प्रमुख रामकुमार थापले नगरपालिकाले जेष्ठ नागरिकको सम्मान स्वरुप उक्त कार्यक्रम सञ्चालन गरेको हो । पालिकाको चालु आर्थिक वर्षमा स्वीकृत कार्यक्रम अनुरुप जेष्ठ नागरिकलाई उपाधी दिन थालेको छ ।

नगरपालिकाले जेष्ठ नागरिकको निःशुल्क उपचार, औषधी वितरण तथा न्यानो कपडा वितरण गर्दै आएको समेत पालिकाले जनाएको छ।

प्रकाशित मिति: बिहीबार, पुस १२, २०८० १२:३५

प्रतिक्रिया दिनुहोस्